UMAYOS mula sa pagkakaupo si Yssabelle nang pumasok ang kotseng sinasakyan nila na minamaneho ni Manong Fred sa gate ng mansion ni Sir Trent.
Nagpunta sila sa malaking grocery store dahil nautusan sila ni Manang Susan na mag-grocery ng mga stock sa mansion at ang iba pang kailangan nila. Paubos na kasi ang mga stock nila sa mansion kaya sila nautusan.
Si Ate Mae sana ang kasama niya pero nagpaiwan ito dahil may gagawin pa daw ito kaya si Anna na lang ang kasama niya. Pero kahit na siya na lang mag-isa, wala naman kasing ginawa si Anna. Para ngang naki-joyride lang ito sa kanila.
Madami din silang pinamili sa grocery dahil pang-dalawang linggo nilang stock iyon. Nalula nga si Yssabelle noong makita nga niya kung magkano ang naging bill nila sa grocery store. Pang-isang taon na budget
