NAPAKUNOT ang noo ni Yssabelle nang makababa siya sa grand staircase ng mansion ay nakita niya ang mga katulong ni Trent na halos hindi mapakali, napansin din niya ang takot na bumalatay sa mga mata ng mga ito.
Anong nangyayari? Hindi naman maiwasan ni Yssabelle na itanong iyon sa kanyang isip. Bakit parang takot ang mga ito?
At para masagot ni Yssabelle ang sariling katanungan ay tinawag niya ang atensiyon ng isa para tanungin ito.
"Ate ano pong nangyayari?" tanong niya dito.
"Si Sir Trent kasi, Ma'am Yssabelle," sagot naman nito sa kanya. Hindi niya napigilan ang mapakunot ng noo. Hindi din niya mapigilan ang makaramdam ng pag-alala.
May masama bang nangyari kay Trent? tanong niya sa isip. Pero impossible namang may masamang nangyari dito. Kasama niya ito kanina sa kwarto, ilan
