NAKAUPO si Yssabelle sa sofa sa living room ng mansion. Hinihintay kasi niya ang pagbaba ni Lola Mary sa pangalawang palapag ng mansion. Niyaya kasi siya nito na magpunta sa Mall dahil magsa-shopping daw ito. Konti lang daw kasi ang mga dala nitong gamit noong umuwi ulit ito ng Pilipinas kaya bibili daw ito ng mga gamit nito habang magbabakasyon ulit ito doon. Wala namang sinabi si Lola Mary kung hanggang kailan ito doon pero mukhang magtatagal ito sa Pilipinas.
Nagulat talaga si Yssabelle sa biglang pag-uwi ni Lola Mary sa Pilipinas. Lahat ng tao sa mansion at pati na din si Trent ay hindi alam na uuwi ito, wala kasi itong pinagsabihan sa kanila, except kay Chester na siyang sumundo dito. Ang lalaki lang kasi yata ang tanging nakakaalam sa pagbalik ni Lola Mary sa Pilipinas. Sinabi nito
