KADARATING lang ni Musika nang gabing iyon nang maalala na naiwan niya ang baril sa kanyang kotse. Nagprisinta si Edward na ito na ang kukuha pero biglang may tumawag dito kaya siya na ang bumaba sa basement parking. Agad sinarado ni Musika ang pinto ng kotse matapos makuha ang baril doon sa basement parking. Hanggang sa natigilan siya nang may marinig na kaluskos mula kung saan. Nakiramdam muna siya nang ilang sandali. Nang wala na siyang narinig ulit, doon na siya naglakad pabalik.
Pero bago pa man din makalagpas ang dalaga sa sumunod na kotseng nadaanan. Mula doon ay biglang sumulpot ang kung sino sa kanyang harapan at halos sabay nilang tinutok ang baril sa isa’t isa. Base sa pangangatawan, agad nahulaan ni Musika na babae ito. Tumaas ang tensiyon sa pagitan. Hind
