ONE YEAR LATER…
“Tigil!” malakas na sigaw ni Edward, sabay nag-warning shot.
Huminto ang criminal at lumingon sa kanya. Ang buong akala niya ay natapos na rin sa wakas ang mahabang habulan nilang dalawa sa kahabaan ng Quiapo. Ngunit ngumisi pa ito sa kanya bago biglang kumaripas ng takbo.
“Ay gagong ‘to ah! Hoy!”
Muli na naman niyang hinabol ang kriminal. Ang lalaking iyon ay isang pedophile, isa sa most wanted criminal sa buong Maynila sa kasong two-counts of Kidnapping with murder and rape sa dalawang bata, isang lalaki at isang babae na nasa edad na walo at siyam na taon gulang. Matapos makatanggap ng tip ang Task Force Eagle mula sa isang anonymous source na nakita nga daw ang suspect na palakad-lakad sa paligid ng Quiapo Church. Agad nilang pinuntahan ang location kung saan na
