CHAPTER SEVENTY FOUR
“ALL this time… isa ka pala sa kanila Vince. Pero bakit? Bakit niyo ginagawa ito?” Pilit kong minumulat ang aking mga mata para makasigurado akong siya nga talaga si Vince. O pwede rin gusto kong makasiguro na hindi talaga siya Vince. Dahil kilala ko siya, hindi man ganoon kakilala kakilala pero hindi niya magagawa ang ganitong uri ng bagay. Hinding hindi siya sasali sa ganitong uri ng grupo o organisasyon.
Alam naming dalawa kung anong sekswalidad niya. Kagaya ko lang din siya. Hindi ko maintindihan kung bakit kailangan gawin niya ito sa mga kagaya niya…. at sa akin.
“Hindi mo ba natanggap ang sulat ko pre? Sinabi ko naman sa iyo. Mag-iingat ka.” Naguguluhan ako kasi nasa tono pa rin siya ng pag-aalala sa akin at masasabi kong naawa siya ngayon sa kalagayan ko.
