Talaga nga naman si Joyce. Matutulog na raw naghanap pa ng makakain at nagugutom raw. Dinaan pa ako sa biro at dinaan sa drama. Hindi ko tuloy naiwasan na maalala si Allan kung nasaan na bang lupalop iyon.
“Sir, hating gabi na bakit nababa ka pa?"
“Jusko naman Ellen pasulpot-sulpot ka naman. Anong bang ginagawa mo rito pa sa kusina?" Sa gulat ko naitanong sa kanya.
“Nakalimutan ko kasi yung cellphone ko sa ibabaw ng ref. Kaya't binalikan ko muna. Kayo Sir, anong ginagawa niyo rito sa baba?" ito naman ang siyang nagtanong matapos na makita rin ako.
“Si Joyce, nagugutom raw. Kaya't nababa ako. Ano bang makakain ang meron dito sa ref?" Tanong ko at sakto naman na naririto si Ellen ng dahil sa nalimutan ko yung mga sinabi sa akin ni Joyce.
“Ano bang sabi niya? Ano bang gusto niya kainin?
