--*
MHALEE PŌV
SABADO, NANDITO KAMI ngayon sa palengke ni tita Zeny para mamalengke ng mga kailangan sa bahay. Mamaya sa grocery naman kami pupunta. Isahan na daw para hindi hassle at sayang ang oras. Marami pa naman kaming gagawin ngayon sa bahay. Sinama ako ni tita Zeny kahit siya na lang sana. Kaya lang ang daming pinabibili ng amo ko, at sumama daw ako para hindi mahirapan si Tita Zeny.
Bumili kami ng karne kanina pero iniwan mona namin sa pinagbilhan namin dahil mabigat iyon. Bumili na lang muna kami ng iba, like gulay, seafood, ingredients at iba pa bago namin kunin iyon.
" Gusto mo?" Tanong sakin ni tita ng mapadaan kami sa mga kakanin. Nakangiti naman akong tumango dahil paborito ko ang sapin-sapin. " Kuha kana, libre ko." Sabi pa niya kaya kumuha na ako. Dalawa ang kinuha ko.
