KIM DE JESUS
"Kung alam ko lang na hindi ka kakain, sana hindi na lang ako nag-aksaya ng pera para bilhan ka n'yan! Akin na 'yung binayad ko d'yan! Bayaran mo!" Inilahad ko ang kamay ko sa harap ni Hanna habang tulala pa rin itong nakatitig sa screen ng cell phone niya. Hindi man lang niya ginalaw ang binili kong lasagna at iced coffee na paborito niya.
Naisipan ko kasi siyang dalawin dito sa shop para may kasama siya dahil hindi pa rin daw pumasok si Phoenix. Kinuwento niya rin sa akin kaninang pagdating ko ang pagtulog nito kagabi sa bahay nila. Kaya nga bigla akong nanibago, parang kanina lang ang daldal pa niya, ewan ko ngayon kung ano’ng nangyari.
"Bakit gano'n?" baling niya sa akin. "Bigla akong nawalan ng ganang makipaglandian kay Gino."
"Ay, naks! Ang aga mo namang natauhan? Ma
