MARK JOSEPH VILLASIS
Inihinto ko ang sasakyan sa harap ng bahay ni Gino. Hindi pa dapat ako uuwi ngayon. Sa isang linggo pa dapat, pero hindi ako mapakali sa pag-iisip kay Valerie dahil sa mga nalaman ko. Lalo na noong sinabi niyang wala na siyang gamot at may nakikita siyang batang babae sa isip niya.
“Oh, nandito ka na?” Si Gino nang magkasalubong kami. Palabas siya sa pinto, papasok naman ako. Mukhang nagulat pa siya nang makita ako. Saglit muna kaming huminto, magkaharap.
“Babalik pa ‘ko. Kukumustahin ko lang si Valerie. Nasaan s’ya?” tanong ko. Pero hindi niya agad ako sinagot. Nakatingin lang siya sa ‘kin, pinagmamasdan ang mukha ko. Parang may gusto siyang sabihin, nababasa ko ‘yon sa mukha niya at mga mata.
He let out a deep sigh before answering. “Nasa kwarto yata. Puntahan mo
