PHOENIX GONZALES
Kalahating oras yata ang inabot ko sa loob ng banyo bago ako nagdesisyong lumabas, suot ang cute na swimsuit na binili ni Jake.
Naiilang pa rin ako kaya naisip kong hablutin ang puting long sleeves na hinubad niya kanina at saka ko 'yon idinoble. Pero hindi ko na sinara ang butones. Hindi na rin ako nagsuklay at basta ko na lamang pinunggos at tinali sa paitaas ang buhok ko.
Umiika akong lumabas sa kwarto at kahit walang umaalalay sa 'kin, nagawa ko pa rin bumaba sa hagdan. Medyo mabagal nga lang. Usad pagong.
Pagdating ko sa backyard pool, nakita ko si Jake na kasalukuyang lumalangoy. Hindi niya pa ako nakikita kaya naupo muna ako sa sun lounger na kahoy. 'Yung hinihigaan kapag nagsu-sun bathing.
Pinagmamasdan ko lang siya at nakakabilib nga dahil ang galing niyang
