Chapter 34
I haven't met him again after that day. Hindi ko alam pero parang... umasa ako sa sinabi niyang mahal pa niya ako. Bakit ganoon? Dapat akong magalit, hindi ba? Sinaktan at niloko niya ako pero bakit ganoon lang kadali sa kanya na bumalik at sabihing mahal pa niya ako.
At heto naman ako, umaasa rin! Ano ba talaga ang nararamdaman mo, Kyo? Tama pa ba itong iniisip at nararamdaman ko? Pero... may girlfriend na siya, hindi ba? Hindi niya mahal ang girlfriend niya, kung ganoon?
"Ang init talaga! Kyo, payong nga!"
Napakamot ako sa pisngi at bahagyang lumabi. Siguro nga ay niloloko niya lang ako ulit. Paaasahin na naman tapos saka sasaktan. Akala ba niya ay hindi masakit ang ginawa niya sa akin noon?
"Kyo, payong."
What if he won't really show up like what I said to him that day?
