SINUNDAN ni Red ng tingin ang papalayong likod ni Valeen ng sabihin niya dito na magpalit ito ng damit pagkatapos ng photoshoot nito. Basang-basa kasi ito at baka magkasakit pa ito dahil nakababad ang katawan nito sa basang damit.
Nagpakawala naman si Red ng malalim na buntong-hininga. At saka niya inalis ang tingin kay Valeen ng tuluyan itong mawala sa paningin niya. Hinanap naman ng mata niya si Tim at nakita niya itong abala sa pagtingin sa hawak nitong camera na inabot niya kanina dito. Napansin din niya na seryoso ang ekspresyon ng mukha nito habang sinisipat nito ang hawak. Humakbang naman siya palapit dito. "Tim," tawag niya sa atensiyon nito ng tuluyan siyang nakalapit.
Inalis naman nito ang tingin sa hawak nitong camera at nag-angat ito ng tingin sa kanya. "Yes, Sir Red?" tan
