BISITA ni Valeen ang mga kaibigan sa condo niya ng mga araw na iyon. Nakaupo silang tatlo sa sofa sa may sala. Bumisita ang dalawa para kamustahin ang lagay niya pagkatapos niyang ma-discharge sa ospital.
"Kamusta naman iyan paa mo, Valeen?" mayamaya ay tanong ni Yvonne sa kanya.
Bumuntong-hininga naman si Valeen. Pagkatapos ay nakangusong sumulyap naman siya sa paa niyang may cast pa din hanggang ngayon. "Medyo masakit pa din," pag-amin naman niya sa totoong nararamdaman. Kumikirot pa kasi ang bukong-bukong nita dahil sa nangyari. Siyempre, isang araw lang simula noong mangyari ang minor accident sa paa niya kaya hindi pa iyon masyadong naghihilom. At ang sabi naman ng doctor ay one week or two ay tuluyan nang maghihilom ang pamamaga ng paa niya. At pagkatapos niyon ay pwede na daw si
