Oras na ng meryenda na pero hindi pa rin kami natatapos sa presentations namin. Next week na ang event na dadaluhan namin, kaya naman kailangan by Monday ay tapos na itong mga 'to. Kakaunti na lang din naman ang natitira sa topics ko na hindi ko pa nagagawan ng presentation. Kahit hanggang mamayang madaling araw ay sa tingin ko ay matatapos ko na ang part ko.
Sandali akong tumayo at nagtungo sa ref para kuhanin ang ice cream na binili niya at yung donut na dala ko kagabi. Kumuha na lang ako ng dalawang kutsara na siyang gagamitin para sa ice cream. Hindi na ako kumuha pa ng baso nang dahil sa tinatamad ako na maghugas ngayon ng mga pinaggamitan.
Bumalik ako sa sala na nakatutok pa rin sa laptop itong si Ethan habang tinitignan-tignan ang written report niya na nasa hita niya. Lumapag na
