Lumipas pa ang mga araw—ngunit wala paring nangyayari sa kaso ng kanyang mag-ina.
Si Henry na naging person of interest ay hindi pwedeng hulihin o arestuhin dahil walang matibay na ebidensya.
Sumailalim narin ito sa forensic method o ang tinatawag nilang paraffin testing pero naging negatibo ang resulta nito.
"Anak' may bisita ka." Isang hapon iyon nilapitan siya ng kanyang Ina habang siya ay nakabantay sa kanyang mag-ina sa huling araw nila.
"Sino po?"
"Anak, nandito si Henry. Gusto ka daw niyang makausap ng maayos." Hindi siya kumibo, masama parin ang loob niya sa kaibigan.
"Nakikipagtulungan ang kaibigan mo anak, handa niyang patunayan na siya ay inosente. Hindi mo man lang ba kakausapin?" Isang buntong hininga lamang ang kanyang naitugon.
"Lumalabas sa resulta ng imbestigasyon n
