Araw ng Sabado. Kahit hindi naman kailangang gumising ng maaga, natural sa kanya ang bumangon ng wala pang alas singko. Nag-unat siya at nakangiting hinaplos ang tiyan.
“Maulan na umaga, anak.”
Nakaugalian niya nang kausapin ang anak niya sa bawat umaga at bago matulog. Pagkatapos ay magsisimula na ang araw niya sa. Usual routine- mag-iinit ng tubig, maghihilamos, at magsasalang ng kung anong kakainin. Sa umagang ito, nilagang itlog naman at sinangag na kanin ang ihahanda niya. Sinimulan niyang maglabas ng mga sangkap mula sa ref nang matuon ang pansin niya sa cake na dala ni Sir Leandro. Inilabas niya iyon at tinanggal sa box.
Hinati niya iyon sa dalawa. Ibibigay niya kay Aling Judith ang kalahati at kay Kuya Mario naman ang isa pa. Nanigas na ang frosting sa cake, mabilis nang balutin
