NAIBATO NI BLITZEN ang remote control matapos niyang patayin iyong LED tv. Kasabay ng pagakawasak ng remote control dahil sa malakas na pagkabagsak niyon sa sahig ay ang pagkawasak din ng katinuan niya. Sunod niyang ipinagbabato ang lahat ng mga bagay na nahablot niya—throw pillow, basong may lamang alak, platito, bote ng alak at kung anu-ano pa. Kulang na lang, pati iyong mesita sa harap niya ay ihampas niya sa tv.
Dali daling dumalo sa tabi niya sina Donder, Dasher, Vixen at Cupid na noo'y kasama niya sa kanyang condo. Mag-iisang linggo nang nawawala si Krisstine. At ni katiting na clue ay wala pa rin siyang nakuha para malaman kung nasaang bahagi na ito ng Pilipinas naroroon. Naikuyom niya ang kanyang mga palad sa sobrang frustration. Nais ulit niyang magbasag. Nang malingunan niya ang
