Bumaluktot sa kama si Julie nang umaga na iyon. Sobrang lamig ng panahon at kung wala lang siyang pasok ay gugustuhin niyang humilata sa kama buong araw. Pero big girl na siya and she had to work.
Tinatamad na bumalikwas siya patayo. Kinapa kapa niya ang telepono sa may bed side table pero laking gulat na lang niya na wala iyon doon. Pinagmasdan niya ang buong kwarto at nakita na wala doon ang kanyang bag. Saka niya naalala na linapag niya ito sa sala kagabi. Sa sobrang pagod ay nakatulog na lang din siya kaagad kaya naman hindi na niya ito nabalikan.
Mabilis siyang naghilamos at nagmumog bago dumeretso sa sala. Tahimik pa ang buong bahay kaya wari niya ay tulog pa si Elmo.
Pero nagulat siya nang makita na may nakahain na umagahan sa may kusina. Napalinga pa siya sa paligid na para bang
