NATULOY ang coffee date nina Regine at Rajed pero sa sala lang ng condo unit ng lalaki. Bumuhos uli kasi ang ulan kaya pareho silang tinamad na lumabas.
"Ano'ng gusto mong kainin?" tanong nito nang umupo sa tabi niya pagkatapos ilapag sa tapat nila ang umuusok pang tasa ng kape. "Magpa-deliver tayo ng food?"
"Huwag na. Busog pa ako," tanggi niya.
"Sigurado ka?"
Tumango si Regine, mayamaya ay humigop ng kape. "Walang pampatulog ito, ha?"
Tumawa nang marahan si Rajed. "Meron. Mamaya pa ang effect."
"Kaya pala hindi masarap," nakaingos na sabi niya, saka humigop uli ng kape.
Humilig si Rajed sa sofa at kinabig siya para humilig din sa katawan nito. Hinagod-hagod ng lalaki ang kanyang braso, ang likod niya, at ang buhok. Pag-angat ni Regine ng tingin ay nahuli niyang titig na titig si R
