NATALIA
“Fifi,” tawag ko sa pusa ko pero hindi man lang ito lumapit sa akin at nanatiling naka dikit sa may paa ni Apollo.
“Baka hindi ka na niya kilala dahil matagal kang nawala o baka nagtatampo siya dahil ngayon mo lang siya dinalaw,” nakangising saad ni Apollo bago sumubo ng damong kinakain niya.
Lumapit ako kay Fifi para kunin siya.
“Fifi,” malambing na saad ko. Umupo ako at inilahad ang mga kamay ko para palapitin siya pero nanatili siya a pwesto niya.
Tumalikod sa akin si Apollo para pumasok sa kusina at napanganga na lang ako ng sumunod sa kaniya si Fifi na hindi man lang ako pinansin.
Kailan pa naging ma-attitude ang pusa ko? Bakit kay Apollo siya sumusunod gayong ako ang nanay niya?
Malaki na ito ngayon, bilog na bilog na rin. Hindi gaya noong umalis ako na ang liit pa niy
