"Are you ready?" tanong ni David sa'kin pagkatapos kong isara ang maleta ko. Dalawang maleta ang dala ko ang isang maleta ay para sa gamit ng baby namin. Pitong buwan na kasi ang baby ko kung kaya't napag-desisyon ni David na sa mansyon nila kami pansamantalang maninirahan hanggang sa makapanganak. Natatakot kasi si David na bigla akong manganak at walang akong kasama. Kung nasa kanilang mansyon ako ay nandoon ang kanyang Mommy.
Tumango ako sa kanya. "Pwede mo ba akong samahan bago tayo dumiretso sa inyo?" tanong ko sa kanya.
Pinag-ekis niya ang kanyang kamay pagkatapos ay idinikit niya ito sa kanyang dibdib. Bahagyang umangat ang kanyang kanang kilay habang nakatingin sa'kin.
"Where are you going?" tanong niya sa'kin.
"Sa sementeryo may dadalawin lang akong mahalagang tao."
Sinipat
