“Bakit ka ba laging nasasamid kapag may sinasabi akong seryoso?” kunwa’y nagtatampong tanong niya nang makabalik na sa upuan niya.
“Ikaw, eh! Para ka kasing timang,” asik ko at muli siyang inirapan.
“Totoo naman iyon. Kung magkakaanak man ako, sa iyo ko lang gusto,” pilit pa niya. Napapailing na lang ako at itinuon na ang pansin sa pagkain.
Gabi na nang makabalik kami sa isla. Nahinto ako sa paglalakad paakyat sa kuwarto nang bigla akong yakapin ni Landon mula sa likuran.
“Bakit na naman?” gulat at natatawa kong tanong.
“Wala lang. Masaya lang ako. Sabay na tayo maligo,” hiling niya. Tumaas naman ang kilay ko at umikot para harapin siya.
“Bakit kailangan pang sabay? Mauuna na ako,” tanggi ko.
“Mag-asawa naman tayo kaya okay lang iyon,” giit pa niya. I rolled my eyes and shook my he
