PATRIZ’s POV
Maaga akong nagising kahit 1:30 in the morning na ako nakatulog. Katabi kong natulog si Zandra. Mas gusto niyang tumabi sa akin kaysa sa yaya niya. Hindi naman daw sila tabi ni yaya niya kahit nasa bahay.
Mabuti na lang at mabilis natulog, akala ko ay kukwentuhan pa niya ako tungkol sa kuya niya. Dahil habang nag-half bath kami ay walang bukang bibig kung hindi ang kuya niya. Sana lang ay hindi iyon nabulunan.
Pinalibutan ko ng unan si Zandra. Hindi naman siya malikot pero nakayakap siya sa akin habang natutulog siya. Marahan ko lang inalis ang mga braso at binti niya. Hinalikan ko ito sa noo. Parang anak ko na rin ito, ganito pala kapag close ka sa inaanak mo.
Dumiretso na ako sa bathroom para makaligo na habang tulog pa sila. At plano kong magluto pagkabihis ko. Mabilis
