HALOS ilang araw na din ang lumipas, unti-unti ay nasasanay na si Desiree sa presensiya ng dalawang lalaki. Aminin man niya ay parehas na maasikaso pagdating sa mga anak si Guiller at Ezekiel. Kapag nakikipalengki siya kasama ang Mama niya'y naiiwan sa dalawang bata ang pag-aalaga sa mga ito. Sa likot ng tatlo ay tila hindi siya magkamayaw sa pagbabantay kapag siya ang nakatoka. Kaya malaking tulong sa kanya na marami sila sa bahay dahil may kasalitan siya.
"Honey, baka hindi na pala ako makasama mamaya sa pamamasiyal niyo,"panimula ni Guiller ng magmulat sa umagang iyon si Desiree. Naroon na ito sa silid nilang mag-iina, mataman nitong pinagmamasdan ang kambal sa crib na gising na pala. Sa tantiya ni Desiree ay alas-singko pa lamang ng madaling araw.
"Bakit naman?"takang-tanong ni Desi
