CHAPTER 19
Unknown POV
Nakatanaw ako mula sa malayo kina Rafael at Abegail. Hindi nila alam na pinagmamasdan ko sila, pero hindi ako nagtatago. Nakikita kong masaya silang magkasama, at sa bawat halakhak ni Rafael, tumitindi ang galit sa dibdib ko. Nagbalik sa akin ang mga alaala ng nakaraan—mga alaala ng pagkatalo at pagkamuhi.
"Sige lang, Rafael. Magsaya ka kasama ang babaeng kinababaliwan mo," sabi ko sa aking sarili, mahina ngunit puno ng hinanakit. "Hahaha. Balang araw, matitikman niyo ang paghihiganti. Kayo ni Antonio, maghanda kayo."
Matagal ko nang plano ito. Akala nila, wala na ako, na natapos na ang kwento ko. Pero nagkakamali sila. Malaki ang pagkakamali nila.
Habang pinapanood ko sila, bumalik sa akin ang mga detalye ng huling pagkakataon na nagkaharap kami. Si Antonio, an
