PAGPASOK pa lang ng kotse ni Glaysa sa gate, nakita na agad niya si Adam sa may bintana. Balewalang bumaba siya ng kotse at pumasok sa unit niya. Nang nasa loob niya, narinig niya si Adam na kumakatok sa back door. Hindi niya ito pinansin. Umupo siya sa sofa at saglit na pumikit.
Tumunog ang cell phone niya. Nang usisain niya, nakita niyang si Adam ang tumatawag. She tossed the phone on the sofa.
Kanina sa café, may isang foreigner na pumasok. Must be 60 years old. Umorder ito ng take out coffee and pastries. Nang pauwi na siya at maipit sa traffic, napansin niya ang lalaki sa kabilang sasakyan. May kasama itong bata. Filipina. Sa tingin niya ay trese lang ang edad. Sa body language pa lang ng bata, alam na niyang natatakot ito. Ah, f**k, alam niya dahil pinagdaan
