"Aaaaahhhhh!" malahalimaw na palahaw ni Noel nang makita niya ang nakakalunos-lunos na hitsura ng kanyang anak. Nawala agad siya sa matinong pag-iisip. Mabilis niyang nilapitan ang 'di nakaalmang si Ruby. At tila nagbalik ang lahat ng sa kanya noong nasa desyerto siya!
Hinawakan ng dalawang kamay niya ang bunganga ni Ruby. At buong lakas na binukaka iyon hanggang sa ito'y mabiyak. Talsikan ang dugo at ibang laman ng ulo ni Ruby sa paligid.
Hindi pa siya nakuntento. Hinampas-hampas niya ang isang piraso ng ulo ni Ruby sa kung saan-saan. Animo ay isa siyang halimaw na nauulol sa matinding galit.
"Aaaahhhh!!" huling sigaw niya ng pagkalakas-lakas bago napaluhod at naghahagulhol ng iyak. Ang anak niya! Ang anak niya ang naging kabayaran sa lahat! Diyos ko! Ang sama niyang ama! Ang sama niya
