BIGLANG inatake ng matinding kaba ang dibdib ni Sab matapos mabuksan ang isa sa mga guest rooms sa second floor, gamit ang susing binigay sa kaniya ni Britanny. Lumingon-lingon muna siya sa paligid at sinigurong walang ibang tao bago siya pumasok sa loob. Namangha siya sa laki ng silid. Halos kasing laki kasi niyon ang master's bedroo..
Nilibot niya ang paningin sa paligid. Puro antique ang mga furnitures na naroroon. Ang malaking kama, ang mga aparador at mga muebles. Mayroon ding isang malaking office table sa gilid ng silid na antigo rin ang design na tinernuhan ng brown na swivel chair.
Tila may humila sa kaniyang mga paa palapit sa office table na iyon. Naupo siya sa swivel chair. Malinis ang lamesa. Tanging maliit na lamp shade, pen holder at isang 5r na picture frame lang ang na
