Matapos ang mga nangyari, hindi ko na alam kung paano ko pa ipagpapatuloy ang buhay ko. Sobrang nalulungkot pa rin ako sa pagkawala ni kuya.
Inilibing na siya kanina pero sobrang bigat pa rin ng paligid kahit na sa bahay nina Kuya Genesis. Paano pa kaya kung kina Joanna?
Buti na lang talaga at nandito si Freidrich. Pilit niya akong pinapasigla kahit na nahihirapan siya. Sobrang nagpapasalamat ako sa kaniya. Sobrang naninibago rin ako sa asta niya. Kung dati ay hindi naman siya masyadong ngumingiti, ngayon naman ay para bang oras-oras ko nang nakikita ang ngiti sa labi niya.
Ibang-iba na talaga siya sa Alpha naming nakilala ko. Hindi ko alam kung matutuwa ba ako.
"Gusto mo bang pumunta sa gym?" tanong niya sa akin habang naka-upo sa kama ko.
Nagpapatuyo na lang ako ng buhok ko ngayon k
