Point of View: Andrea Raizen Narvaez
Mabilis akong tumatakbo sa kakahuyan. Hindi ko na magawang tumingin sa aking likuran dahil sa kaba at takot na nararamdaman.
Hingal na hingal na ako sa hindi malamang dahilan. Para bang may humahabol sa akin ngunit hindi ko makita kung sino... nararamdaman ko lang siya.
Panay ang hawi ko sa mga sangang nakaharang sa dinaraanan ko. Sobrang dilim sa paligid ko at hindi ko man lang makita ang buwan sa kalangitan. Hindi ko alam kung walang buwan o talagang wala na akong oras para hanapin pa ito.
Ang tanging gusto ko lang ay matakasan ang kung sino man ang humahabol sa akin.
Nang mapatid ako sa isang sanga sa daan ay sinubukan ko ulit na tumayo. Hindi pa rin ako lumilingon sa likod ko.
Pilit kong tinatanggal ang mga sangang tumusok sa aking paa. Hindi
