Habang tumatagal ay pakiramdam ko dinadala ako ng mga napapansin ko sa silid na ito sa isang pangyayari noong nakaraan na hindi mawaglit-waglit sa isip ko..
Habang papalapit nang papalapit sa pakay na destinasyon ay palakas naman nang palakas ang kabog ng puso ko. Hindi ko alam kung saan nanggagaling ang kakaibang damdaming bigla ay lumukob sa'kin.
Ilang hakbang mula sa tinutumbok na dingding at bigla kong napahinto.
Napakurap-kurap ako dahil sa biglang pagkamatay ng lahat ng mga ilaw sa paligid.
Binalot ng dilim ang buong silid maliban sa kislap ng mumunting liwanag na nagmumula sa mga dyamanteng bumubuo sa flag na nasa kisame at sa mismong nasa harapan ko.
Para akong napako sa kinatatayuan ko habang parang nahipotismong pinagmasdan ang pagkikislapan ng iba't-ibang kulay ng batong
