"Hmm, not a lot knows about this but, higit sa lahat ng narito ay ikaw ang mas nakakaalam ng totoo. Hindi ba, Lianna?"
Biglang nagkaroon ng tensyon sa kusina. Naramdaman ko ang pagdiin ng kapit ng mga kamay ni Lianna sa akin. Nang bumaba ang tingin ko sa kamay niya na hawak ako at dahan-dahan na tumingin sa kaniya ay nakita kong naging seryoso ang reaksyon sa mukha niya.
"Kit," may pagbabanta sa boses nang sumagot siya.
"Why? hindi pa ba alam ni Zehra ang totoo? ang dahilan ng paghihiwalayan ninyo ni Errol? I thought you two are close, Lianna. Nakakapagtaka nga, akala ko ay masama ang motibo mo sa paglapit kay Zehra pero totoo pala ang malasakit mo sa kaniya."
Ano ba ang... mga sinasabi niya? magkaibigan sila, hindi siya dapat ganito.
"Kit, are you drunk?" nang hinawakan ni Wayne ito
