“ALAM mo, Zoey, wala akong planong makipagtalo sa ‘yo,” walang ganang sabi ni Ariyah sa dalaga.
“Bakit? Takot ka bang marinig ang katotohanan, Ariyah? Sabi na nga ba, eh, kaya una pa lang talaga ayaw na namin sa ‘yo ni Tita Violeta. Hindi talaga maganda ang vibes ko sa ‘yo. So, ngayon dahil nakakita ka nang mas mayaman, nakalimutan mo na kaagad si Zac.” Pagtapos ay humakbang ito ulit palapit sa kaniya.
“Alam mo namang walang katotohanan ‘yang mga sinasabi mo. Saka wala kang alam sa totoong nangyari kaya tumahimik ka na lang,” hindi makapagpigil na sabi niya rito pagtapos ay tumalikod siya.
“Hindi pa ‘ko tapos sa ‘yo!” At hinila na naman siya nito.
“Will you please stop, Zoey?” pakiusap na niya rito. “Hindi mo maririnig sa ‘kin kung ano man ang gusto mong marinig kaya pwede ba tama na.
