Karina
GUSTO KONG PIGILAN ang pag-alis ni Adan pero alam ko rin na kailangan kong kausapin nang masinsinan ang aking ama. Labis kong ikinagulat ang presensiya niya. Hindi ko akalain na kaagad siyang babalik.
“You’re not supposed to home,” ang sabi ko habang sinasamahan siya sa family room na na siya lang ang madalas na gumagamit. Bubuksan sana niya ang malaking TV pero pinigilan ang sarili sa paglapit ko.
Naupo ako sa tabi niya. Inakbayan niya ako. “Umuwi kaagad ako nang i-message ako ni Lando,” ang sabi niya. “Masuwerte na kaagad akong nakakuha ng flight pauwi.”
Ang Lando na tinutukoy niya ay ang driver ko na inakala kong loyal na loyal sa akin. Dapat ay medyo inasahan ko na iyon. Inaanak ni Daddy sa kasal si Lando.
“Alam ko ang tungkol sa inyo mula pa noong charity ball,” ang sabi
