Napatitig ako kay Eva pagkapasok niya ng room namin. May dala itong ilang plastic. Iyon na marahil ang mga pinabili namin sa kanya. Naningkit ang mata ko nang mapansing sobrang maaliwalas ang mukha nito at tila glowing dahil sa saya. Aba, nakapag-Manila lang, naging blooming agad!
Ibinigay niya sa amin ang mga pinabili namin. Binalik niya sa amin ang sukli at maging ang mga resibo ng pinamili namin. Namangha ako nang makita ang mga binili niya para sa amin. Maganda talaga ang taste nitong si Eva kaya nga noong sinabi niya na pupunta siyang Manila, hindi na ako nagdalawang-isip na magpasabay sa kanya.
“Blooming ka ah? Sinagot mo na ba si Lucas?” diretsong sagot ko rito. Nakita kong napaubo ito. Kaagad naman namin siyang kinantyawan ni Shienel.
“H-Huy! Hindi ah. Hindi ko pa siya sinasa
