Sabay-sabay kaming lima na nasamid dahil sa sinabi ni Tito. Nakakaloka naman din itong pinunong bakla na ito! Diretsahan, walang paligoy-ligoy! Ano ba naman ‘yung kaunting kwento-kwento muna bago niya isiwalat ang sexuality niya. Pambihira! Parang bomba na bigla-biglang pinapasabog eh!
Nang maka-recover ay tinignan ko ang reaction nila Tita, Jayden at ng boyfriend nito. Nakita kong tulala si Jayden sa kanya at tila hindi makapaniwala sa narinig. Si Tita naman ay seryosong nakatingin lang sa kanya. Nanliit ang mata ko roon.
“W-What?” Halos walang boses nang magsalita si Jayden. Akala mo ay nagpipigil siya ng hininga.
“I’m gay. Bakla, tagilid, baluktot, pusong babae. Kasama ako sa federasyon, mo, Jayden…” pag-amin nito. Napasinghap si Jayden at napatakip ng bibig.
Kaagad siyang inabuta
