"Ang init!" sigaw ni Viper habang pinapaypayan ang sarili gamit ang kaniyang kamay.
"Huwag kang magreklamo, Viper. Ito ang gamitin mo pang pay-pay sa sarili mo. Walang magagawa 'yang kamay mo," inis na saad naman ni Reya.
Rinding-rindi na kasi sila sa boses ng babae. Hindi naman mapagsabihan kaya hinayaan na lang nila.
Kinuha ni Viper ang matigas na pinunit na kahon kay Reya at pinaypay sa sarili. Nakahinga naman ng maginhawa si Viper, pero hindi pa rin nawawala ang irita sa mukha nito.
"Mga dyosa at dyos tayo. Hindi dapat tayo nagdudusa ng ganito."
"Pwede ba, Viper? Manahimuk ka na. Kaya mas lalong umiinit dito sa loob dahil salita ka ng salita. Huwag ka na lang magsalita dahil wala namang magandang idudulot 'yang sinasabi mo. Saka parusa sa atin 'to. Kaya kailangan nating tanggap
