Pagkatapos ng nangyari ay agad akong pinalibutan ng lahat ng aking bodyguards.
Walang nakalapit sa akin pagkatapos ng paghuli nila kay Jake. Marami ring mga taong nakiisyoso. Mga nagulat sa nangyari habang nakatingin kay Jake. Siguro ay hindi sila makapaniwala kung bakit ganoon ang ginawa ni Jake sa akin. Ang ilang paparazzi na nagtatago sa paligid ko upang makakuha ng impormasyon sa akin ay agad na lumabas nang mapagtanto ang nangyari sa amin.
Nakahalukipkip ako, nakatitig sa labas ng bintana. Pinadali lang ni Jake na masira ang pangalan niya sa media. Talagang nakain na siya ng pagkagusto na umangat ang sarili. Hindi siya nakukuntento kung anong mayroon siya. Alam ko namang mas makikilala pa siya kahit hindi niya ako gawan ng masama. Kailangan lang talaga ng sipag at paghihintay na m
