Naalimpungatan siya sa hindi pamilyar na kwarto. Kinuskos niya ang kanyang mga mata upang siguraduhin na hindi siya nagmamalik mata. Nakahubad siya sa ilalim ng makapal na kumot at nang lumingon sa tabi ng kama ay isang pamilyar na bulto ang nakita niya.
Tinapik niya ng malakas ang kanyang noo nang maalala ang nangyari kagabi. Dala ng kalasingan at katangahan niya ay natangay na naman siya.
Maingat siyang tumayo upang hindi magising ang binata. Pinakialam niya ang mga damit sa loob ng aparador at nagsuot ng puting tshirt at shorts na pang lalake. Hinanap niya ang kanyang maliit na purse at nang makita ito ay mabilis niyang nilisan ang lugar na iyon at iniwan ang binata na mahimbing pa ring natutulog sa kama.
Naligo siya nang dumating sa kanyang apartment. Instant noodles na lamang ang n
