“Ano’ng nangyari riyan?” nakasimangot na tanong ni Perlas sa asawa nitong si Zeki nang matanaw nila itong inaalalayan ang lasing na si Viz. Nakasampay sa balikat ni Zeki ang isang braso ng kapatid na susuray-suray na sa paglalakad.
Nasa parking lot na sila ni Perlas at nakatayo sa tapat ng sasakyan ni Zeki. Sinabi niya kay Perlas kung ano ang nangyari sa ginawa niyang pagkompronta kay Viz, at dumoble ang inis nito sa bayaw. Tanga raw si Viz at sarap pukulin ng bato sa bumbunan. Natawa naman siya kahit medyo makirot pa rin ang dibdib niya.
Pagkatapos niyang marinig ang kailangan niyang marinig mula sa asawa kanina ay iniwan na niya ito. Nakihalubilo pa siya sa ibang bisita, bago niya hinanap si Perlas. Matagal silang nag-usap ng kaibigan.
Napabuga ng hangin si Zeki. “Ewan ko ba rito, big
