Dark Salves POV
Pagod na pagod ako. Hindi dahil sa inuman o sa init ng gabing iyon, kundi sa paulit-ulit na walang saysay na kaligayahan. Matapos ang gabing puno ng laman at libog, heto ako ngayon—muling nakatingin sa kawalan habang nagmamaneho pauwi.
Nakahawak ako nang mahigpit sa manibela, nakikiramdam sa bigat ng katawan ko. Ilang beses ko nang ginawa ito—magpakasasa sa pansamantalang sarap, tapos ay mararamdaman kong may kulang pa rin. Naramdaman ko ang bahagyang pamamanhid sa aking braso at hita. Hindi ko alam kung dahil ba sa alak o sa pagod sa buong gabi ng walang sawang paggalaw.
Pagsapit ko sa harap ng bahay, huminga ako nang malalim bago bumaba ng sasakyan. Tahimik ang paligid. Madaling araw na. Wala kang maririnig kundi ang mahihinang tunog ng mga kuliglig at ang yabag n
