Ace's POV
Nasa labas nga kami ngayon ng munting kubo at tumatagay ng kaunti. May maliit na mesa at sa ibabaw ng lamesa ay may nakalagay na gin bilog at pulutan galing sa natirang niluto ni Carmela.
Panay ang tingin ko sa pintuan dahil inaasahan ko lalabas pa doon si Carmela, pero mukhang nakatulog na kaagad siya. Napagid siguro sa ginawa naming paggo-grocery kanina.
"Kamusta ka na, Ace? Hindi mo pa rin ba kasundo ang tatay mo?" tanong sa akin ni Tata Elmo sabay abot sa akin ng isang shot ng gin. Inabot ko naman muna iyon at inisang lagok ko bago ko sinagot ang tanong niya.
"Hindi pa rin po, Tata Elmo." wika ko sabay kuha ng tinidor at tumusok ng pulutan saka ko isinubo sa bibig ko para mawala ang mapait na lasa ng alak. Ang alam ni Tata Elmo ay hindi kami okay ni Daddy kaya dito ako
