Aquarium
Hindi ko malaman kung ano ang gagawin. Mahigpit ang hawak ko sa mga bulaklak. Unti-unting lumalapit ang maamong mukha ni Jake sa akin. Naamoy ko ang mabango niyang hininga. Napapikit ako nang dumako sa labi ko ang labi niya. Marahan ang mga halik niya. Hindi mapagsamantala. May paggalang. May pag-ibig.
Ayaw kong tumugon sa mga halik na iyon. Ayaw kong mahulog sa kanya. Nagpupumiglas ang isip ko. Dinadama ang puso ko. May pagtingin na rin nga ba ako kay Jake? Handa na ba akong tanggapin ang sinasabi niyang pagmamahal? Huminga ako ng malalim. Dahilan upang bumuka ang aking bibig. Naramdaman kong naging maalab ang mga halik ni Jake sa akin. Nilalasahan niya ang labi ko.
Hindi ko na napigilan ang tila madala. Sinubukan kong tumugon sa mga halik ni Jake. Nabakas ko na parang nasiy
