ANIKA POINT OF VIEW
"Mommy, sa labas tayo kakain mamaya?"
"Oo, kaya humanap na tayo ng pinakamagandang damit mo. Kabugin mo 'yang Selena na 'yan."
"Ngek, bakit ako po? Hindi ba dapat po ikaw mommy ang magpaganda? Kasi mommy po 'yon ni Albert, eh, baby mo lang naman po ako."
Napanguso ako at natigilan sa sinabi niya.
"Kasi bawal siyang magpaganda," biglang sagot ni Rico na nakasandal ngayon sa kabinet. "'Yon, 'yon lang ang isuot mo mamaya." Turo niya sa powerpuff girls kong white shirt.
"Baliw, gusto mo ba kong pagtawanan ni Selena? Nakita mo na nga 'yung tingin niya sa damit ko kanina, e."
"Basta. 'Yon," madiin niyang huling sabi at lumabas na ng kwarto. Parang sira. Nagseselos ba siya kay Peter? "OO!" biglang sigaw niya kaya napatawa ko pati na si Nathalie.
Parehas kami ng anak k
