Isang oras lang ang naging biyahe nila sa himpapawid at nang makarating na sila sa mansiyon ay nakahanay nang naghihintay sa kanila sa sala ang mga katulong.
Halata ang labis na pagtataka ng mga ito pagkakita sa kanya ganunpaman ay walang ni isa ang naglakas ng loob na mag-usisa ni ang tumitig sa kanya. Marahil ay takot ang mga ito kay Alexis dahil kung siya lang ang naroon ay malamang na makikipagchikahan agad ang mga ito sa kanya.
Napansin rin niya agad ang sandamakmak na CCTV cameras sa buong mansiyon simula pa lang sa labas ng gate na dati ay wala.
Nagulat rin siya nang mapansing bahagyang binago ang interior design ng living room at di nakaligtas sa mga mata niya ang elevator sa tabi ng hagdan.
At kelan pa kaya iyon ipinagawa? May concern din pala si Alexis tungkol sa bagay na iyo
