“Raiza, uuwi ang kuya Royvin mo ngayon kaya umuwi ka sa bahay. Utos din ng daddy mo,” mabilis na sabi ni mommy nang sagutin ko ang tawag niya.
Kababalik ko rito sa opisina at lubhang mabigat ang kalooban ko. Pagkatapos ng nangyari sa opisina ni Stan. Sabay-sabay silang lumakad para sa mga plano nilang gawin. Gusto akong ipahatid ni Stan pero tumanggoi ako. Dala ko ang sasakyan ko kaya sabi ko ay ako na ang bahala sa sarili ko. Isang mabilis na halik ang iginawad niya sa pisngi ko bago niya ako tuluyang iniwan kanina.
“Okay, mom. Himala, nasa bahay si daddy ngayon?” komento ko. Kahit very supportive si daddy sa lahat ng mga gusto ko sa buhay. Lumaki akong hindi siya halos nakikita. Laging busy sa mga negosyo niya. Ni hindi nga niya nadaluhan ang alinman sa mga importanteng panahon sa buha
