Pagkatapos ng kasal ni ate ay dalawang linggo kaming hindi nagkita ni Marcus dahil marami na raw siyang naiwang trabaho mula noong magkasama kami. Kaya kahit malungkot ay kinailangan kong magtiis dahil alam kong sa lawak ng mga negosyong pinatatakbo ni Marcus, imposible talagang hindi siya maging busy. Hindi nga lang ako sanay dahil kapag magkakausap kami sa cellphone sandali lang din dahil nga sobrang busy ang schedule niya. Wala kasi siya dito sa Pilipinas at palipat-lipat daw siya ng bansa para sa mga transactions niya. Miss na miss ko na siya pero pinipilit kong maging masigla kapag kausap ko siya dahil ayokong mag-alala siya sa akin.
Mabuti na lang din at nakahanap na ako ng bagong trabaho at hindi naman inipit ni Marco ang resignation ko. Pero tinotoo niya ang sinabing hindi siya ti
