I love him. Iyon ang napagtanto ko nang malaman kong posible na naman siyang mawala sa akin.
Mahal ko siya.
Mahal ko pa rin si Kiryu.
‘Yong mga katangang iyon ang paulit-ulit na tumatakbo sa aking isip matapos kong magpaalam kay Blade na pupuntahan ko si Ryu. Ngunit sa kasamaang palad ay hindi kaagad ako binigyan ng pagkakataon upang makita ang lalaking mahal ko dahil bigla na lamang akong sinalubong ng dalawang pulis na nakauniporme nang makalabas ako sa gate ng aming bakuran. Hinahanap nila sa akin si Blade.
Ang malapad na ngiti na iguhit ko sa aking mukha ay nawala, kasabay ng aking pagkalito. Nagpalinga-linga rin ako sa aking paligid, mabuti na lamang ay walang nakikiusyoso.
“Alam naming nandiyan si Blade. Ilabas mo siya ngayon din,” wika ni Mang Carding na hindi ko napansin na
