Yes. Nagkaanak kami ni Marco. Isang buwan mula nang ampunin ako noon ni Tita Beth ay natuklasan kong buntis ako. Hindi ako makapaniwalang ang isang gabing iyon na hindi ko man lang maalala ay nagbunga agad.
Magtatatlong taon na rin ang mga bata sa darating na buwan. Ngunit kadalasan ay si tita lang ang kasama nila dahil kailangan kong mag-aral at magtrabaho para maitaguyod sila.
Bigla ay hindi ko maiwasang balikan ang pinakamadilim na sandali ng buhay ko. Iyong panahon na gusto ko na lang magpakamatay kasama ng buhay na nasa sinapupunan ko.
“Ano’ng balak mo, hija?”
Kagagaling namin ni tita sa doktor at kinumpirma niya ang positive na kinalabasan ng PT ko. Mula pa kanina sa sasakyan ay hindi ako humihinto sa pag-iyak.
“Hindi ko po alam, tita. Ang bata ko pa po. Hindi pa po ako handang
